味苑 (已結業)

今日難得放假，約埋老人家去飲茶食午餐，我地早一個星期打電話訂左位，因為聽聞呢間餐廳午市好多人！我地一行8人，12點來到，已經坐滿人，侍應安排我們上2樓一間貴賓室內的圓枱，貴賓室較細，只能放下一張8人嘅餐枱及4人嘅餐枱，坐得比較迫。我們order左一個8人套餐，可以選擇5款小菜、3款點心、例湯、白飲及甜品，$988。叉燒燒鵝必食推介！叉燒半肥瘦，帶點燒焦， 肉質夠軟，蜜糖掛面，好好食！燒鵝皮脆，有酥香，但略嫌太肥！其餘3個菜式係咕嚕肉、蔥爆魚塊、蟲草蝦滑小棠菜，味道唔錯！