影片
更多
2008-12-28
74 浏览
28-12-2008上次因為無位食唔成呢度, 今日訂定檯一行 4 人 dinner 0黎試試:- 豬腳凍 + 豬頭粽: 第一次食豬頭粽 (深色 d 0個隻), 好似係豬肉 + 豬頭肉, 落勁多唔同調味料, 用布/膜包住再用重0野壓成一磚肉凍, 食落其實同豬腳凍 / 鎮江肴肉差不多味, 不過呢度的肉多過「膠」, 比創發 (http://www.openrice.com/restaurant/commentdetail.htm?commentid=1904796) 乾身又無咁鮮甜; 魚露就得個鹹字, 缺乏魚香, 整體麻麻0地.- 潮州炒魚麵: 落紅蘿蔔, 芽菜及冬菇炒, 算乾身, 魚麵幾彈牙, 阿爸嫌佢唔夠熱, 我就覺得 ok; 辣椒醬唔夠辣 (連我都話唔辣!), 味道似豆瓣醬多 d, 可惜.- 川椒蝦球: 川椒雞食得多, 今次試試蝦球, 但效果一般 -- 川椒葉油溼溼的, 唔脆; 蝦球隻隻彈牙, 但甜得離奇 (浸了桔油?), 唔識欣賞.- 冬菇排骨芥菜煲: 芥菜腍甜, 排骨帶點肥, 咬落又腍又鬆化, 啖湯亦鮮甜, 呢個幾好食.- 鹵水鵝片併鵝肝: 鹵水汁夠香濃, 不錯; 鵝片腍
上次因為無位食唔成呢度, 今日訂定檯一行 4 人 dinner 0黎試試:
- 豬腳凍 + 豬頭粽: 第一次食豬頭粽 (深色 d 0個隻), 好似係豬肉 + 豬頭肉, 落勁多唔同調味料, 用布/膜包住再用重0野壓成一磚肉凍, 食落其實同豬腳凍 / 鎮江肴肉差不多味, 不過呢度的肉多過「膠」, 比創發 (http://www.openrice.com/restaurant/commentdetail.htm?commentid=1904796) 乾身又無咁鮮甜; 魚露就得個鹹字, 缺乏魚香, 整體麻麻0地.
- 潮州炒魚麵: 落紅蘿蔔, 芽菜及冬菇炒, 算乾身, 魚麵幾彈牙, 阿爸嫌佢唔夠熱, 我就覺得 ok; 辣椒醬唔夠辣 (連我都話唔辣!), 味道似豆瓣醬多 d, 可惜.
- 川椒蝦球: 川椒雞食得多, 今次試試蝦球, 但效果一般 -- 川椒葉油溼溼的, 唔脆; 蝦球隻隻彈牙, 但甜得離奇 (浸了桔油?), 唔識欣賞.
- 冬菇排骨芥菜煲: 芥菜腍甜, 排骨帶點肥, 咬落又腍又鬆化, 啖湯亦鮮甜, 呢個幾好食.
- 鹵水鵝片併鵝肝: 鹵水汁夠香濃, 不錯; 鵝片腍滑入味, 可惜份量較少, 細佬仲係咁搶, 結果唔夠分; 鵝肝亦入味, 不過食落幾硬; 墊底就係「豆腐渣工程」, 一抽二 lung 賣相似足麵筋 (!!), 而且「太」入味, 食落鹹得很. 都係澄海老四的鹵水 (即係呢度: http://www.openrice.com/restaurant/commentdetail.htm?commentid=1943305) 最好食!
環境地 mou, 衛生 ok, 同南記 (http://www.openrice.com/restaurant/commentdetail.htm?commentid=1908964) 差不多; 阿姐們有求必應又友善, 俾人好家庭式作業0既感覺, 唔怪得呢度叫自己做「私房菜」啦.
埋單每人約 $70, 好平, 質素同南記差不多, 可以一試.
张贴
