小寶當家 (已結業)

今日入左元朗探朋友，中午時間就去食小小野，經過見到有間色彩繽紛的餐廳，門口好吸引，就去食個Lunch。餐廳細細，好有住家Feel，老闆娘都好好人。dinner set價錢都唔貴。芒果魔豆醇乳酪。乳酪由餐廳自家調配，自家乳酪味道酸酸的，感覺好有營養。芒果果醬味道酸甜開胃，配上爆珠口感豐富開胃。另外叫左個特餐。蒜香厚多士真喺好厚烘到香口蒜味濃郁，多士香脆中間好鬆軟。炒蛋非常滑溜蛋味突出，配芝麻醬沙律。豬骨湯出前一丁。湯底好濃豬骨湯底，出前一丁煮得剛好唔會太硬，湯底清清完全唔覺油膩。配料選擇左肥牛和蝦餅。牛肉加上醬汁炒得好香口好滋味，咸香牛肉入口嫩滑軟腍，蝦餅有原隻鮮蝦，入口彈牙炸粉唔多，好驚喜的蝦餅。