亂炒一通 (已結業)

有時落樓食吓小菜都有意外驚喜，今晚就食左個鬼馬炒蝦球$88，係用油炸鬼加西芹，蝦球一起炒的。油炸鬼都可以這樣食法，都好脆，西芹夠爽口，蝦球夠大隻又爽口彈牙。海鮮粉絲什菜煲$78，用料十足，有班塊，鮮魷魚，蝦球，什菜都有3種，粉絲份量適中，味道清甜。黃金軟殻蟹$88，例牌都幾多，全隻蟹都有齊，就連蟹蓋都食到，外脆內軟，連同金黃色鹹蛋黃漿一起食，鹹鹹地都幾特別。人氣一口牛柳$108，呢個係店裏招牌菜，好多人食，牛柳嫩滑入口溶化，有鮮牛香味，再加上炸過嘅烏冬，煙煙靭靭，真係配啤酒一流。