全記餐廳 (已結業)

喺深井其實冇乜好食，特別係宵夜時間，過左十一點好多食店都已經關門，所以通常我地夜晚肚餓都只有黎全記。如我之前所言，唔係覺得平，或者覺得好食，只係我冇乜選擇，哈哈。全記有室外、室內位置，不過天時暑熱，即時係晚上，都一滴風都冇，我地都係坐番入面。可能有好多人同我地一樣冇選擇，所以夜晚佢填都幾好生意，卡位好時都滿座。我地坐喺圓枱，圓枱有時頭頂會滴水，當然唔係坐得太安心。晚上選擇多，炒粉麵飯常餐一樣有，我地一人點左間餐，平均45蚊，又唔係話好貴嘅。腸仔、肉丁烏冬 $44本來可配公仔麵果啲唔洗加錢就38蚊，不過是日特然想食烏冬，要加6蚊。普通超市款式，冇乜特別，因為我點肉丁，即時湯底清到無倫，都冇乜所謂，總有少少肉丁辣味支撐。腸仔得一條，認真，邊個如果屋企煮到食，會想出街食呢啲，哈哈。沙嗲牛肉麵 配火腿奄列、方包烘底 $42平時我地食茶記通常都加錢轉一丁，不過全記冇架。沙嗲牛麵正正常常，餓起上黎都唔太計較肉老唔老，韌唔韌。麵冇煮到淋哂，我已經收貨。相對我嘅餐，呢份好似抵玩啲，起碼有塊多士、奄列。凍檸茶 (+$6)非常普通，偏甜，跟餐加6蚊配。