影片
近排全记换左招牌 转左名做光荣～希望个名唔好一语成谶...午饭时落街揾餐饭，落雨唔想行就选左全记，住系附近既都知道其实间野普普通通但又不算太差～叫做摆得入口～午市客饭套餐 有饭 有汤第一道菜。梅菜蒸鲩鱼味道麻麻 鲩鱼好多细骨头，同平时街市买既有些不同。鱼肉仲好似有d「梅」。第二道菜。沙姜鸡 沙姜鸡比较惹味，汁都唔错几𩠌饭。鸡肉就比较「鞋」口感一般。似系放左好耐再翻热。例汤反而比较ok禾赤小豆及其他豆类既豆味好香浓。但所有𩠌菜都有阵怪味。好似系味精高温加热后哥浸「酸叔」味。服务就正如一般茶餐厅服务，一如既往的差。话说当天隔离枱一位女士与小狗等左个客饭好耐，位女士不奈烦咁再三崔单，最后等左好耐碟饭先到，个女士已经嬲到食几啖就走了。后记：可能换左老世，所有野都需要磨合。希望下次去到会有点改善！我会比 2粒半 至 3星左右
继续阅读
行山一向喺秋凉嘅户外活动，不过，最近都有同个行山老友挑战吓，夏天如果天气合适，都会照行。呢个周六，撞到天气唔错，至少唔会落雨，一于挑战吓元荃古道，由荃湾（荃威花园）起步，一路上山经石龙拱，未到田夫仔屈条小径落清快塘，最后终点喺深井。两支公就唔会拣食烧鹅啦，快手快脚揾间茶记搞掂去，「全记」似乎多人啲，内铺又有冷气，就拣佢啦。喺村屋铺，铺前有啲非冷气位，虽然有架起帐篷，但既焗且热，故坐嘅人唔多，喺都会喺啲想食口烟嘅人。我哋当然拣坐入面啦，有强劲嘅冷气，凉快好多，尤其啱啱行完山添。而内里格局如一般茶记，细圆枱加卡位，有大电视，周墙都贴满小炒或碟头饭菜式。我哋大家都懒得谂，就喺拣是日快餐 / 午市客饭， 共有8款，包例汤及热饮，定价都喺$45-$50，价钱喺咁上下啦，况且，深井都有唔少有钱人架，茶记都唔会特别平。例汤例汤讲明送完即止，虽然喺免费，但店员都会问你要唔要，是日嘅例汤喺赤小豆眉豆鲮鱼煲粉葛，饮落一啲都唔例牌㖞，够火喉，几浓郁添。枝竹班腩饭 $45「班腩」即时令我谂起早前一单酒家违反商品说明条例嘅案件，小弟就只喺当笑话一则，几惊有啲傻人去举报菠萝包无菠萝、老婆饼无老婆呀，哈哈！作为茶记，佢哋啲班腩又做得唔差㖞，粉浆唔算太厚，献汁OK，唔会太杰到好糊咁，亦唔会好似有啲酒楼咁煮到好油。海南鸡饭 $50佢哋卖嘅海南鸡喺泰式，所以，伴嘅喺泰式酸辣酱。无论鸡嘅份量，抑或饭嘅份量，都份量十足，不过，饭就只喺普通白饭，唔似新加坡式用上鸡油饭。而啲鸡就的确好食，鸡皮几爽，皮下脂肪又少，肉质够嫩滑，沾点酸辣酱，更醒胃。热奶茶、热柠水讲过好多次，去茶记饮餐饮奶茶喺小弟必然之选，不过，「全记」嘅奶茶无乜茶香，茶底比较弱，口感亦唔太滑，极为普通。后话，友人睇网上资料，话呢条线需时4个钟，我哋为免正午太热，9:00am起步，11:40am就已经到咗深井村，超额完成，梗喺啦，两支公行起嚟都唔使点停（除停一停饮水之外），临尾落清快塘又抄山路走捷径，悭咗不少时间，但无行开山嘅人咪照跟，确喺有少少危险。
继续阅读
晨早跑完步，未过11:30，所以就去深井村出面既『全记』茶餐厅食过早餐！呢到早餐价钱由 $31 至到 $36 不等...包餐饮，有四个 set 可以选择。(早餐时间由 07:00 ~ 11:30)!坐低就即刻叫咗个早餐C...个 set 包咗两块牛油多士、双蛋、双火腿、同双肠...另外，餐饮就 order 咗杯热啡走(用练奶取代沙糖)。食物就真系好一般！两块牛油多士都冇搽牛乜制...双疍就煎到烂晒穿黄！不过，杯啡走就冲得吾错！
继续阅读
喺深井其实冇乜好食，特别系宵夜时间，过左十一点好多食店都已经关门，所以通常我地夜晚肚饿都只有黎全记。如我之前所言，唔系觉得平，或者觉得好食，只系我冇乜选择，哈哈。全记有室外、室内位置，不过天时暑热，即时系晚上，都一滴风都冇，我地都系坐番入面。可能有好多人同我地一样冇选择，所以夜晚佢填都几好生意，卡位好时都满座。我地坐喺圆枱，圆枱有时头顶会滴水，当然唔系坐得太安心。晚上选择多，炒粉面饭常餐一样有，我地一人点左间餐，平均45蚊，又唔系话好贵嘅。肠仔、肉丁乌冬 $44本来可配公仔面果啲唔洗加钱就38蚊，不过是日特然想食乌冬，要加6蚊。普通超市款式，冇乜特别，因为我点肉丁，即时汤底清到无伦，都冇乜所谓，总有少少肉丁辣味支撑。肠仔得一条，认真，边个如果屋企煮到食，会想出街食呢啲，哈哈。沙嗲牛肉面 配火腿奄列、方包烘底 $42平时我地食茶记通常都加钱转一丁，不过全记冇架。沙嗲牛面正正常常，饿起上黎都唔太计较肉老唔老，韧唔韧。面冇煮到淋哂，我已经收货。相对我嘅餐，呢份好似抵玩啲，起码有块多士、奄列。冻柠茶 (+$6)非常普通，偏甜，跟餐加6蚊配。
继续阅读
今天贪就脚、走入了久未光顾的全记、坐下望望四周环境依旧的……坐得不自在、员工的服务态度依旧有待改善……拿起餐牌发现多了些新菜式、我选了……一) 干烧伊面二) 两𩠌车仔面伊面一出……给我眼前一亮感觉、卖相靓、.酱油色金黄、热辣辣……面干身得耒又够湿润、软得来爽滑、蚝油味浓、酱汁份量刚刚好！是一碟好有水准的面！车仔米线……也给了我一个惊喜……猪红够弹牙爽滑、没有杂味、猪皮松软、吸收了汤的甜味口感很不错、汤是肉碎做的汤底很特别、食得出的甜味……虽然环境一般般、但有这样的水准食物也是一个享受午餐啊！
继续阅读