燒烤堂 (已搬遷) 新店位置

又到星期六，約左幾個朋友食串燒。上網見到呢間收凌晨，岩曬我呢D收得夜既人。book左9點半食，店舖不算很大，已經坐滿曬客。出面有幾張枱，不過天氣太熱，真係頂唔順，最後我地等到10點先有得食😁😁太肚餓啦，一口氣點左15樣野，正正正。每樣都好有特式，好味道呀😁😆實在太多選擇，下次先有機會再試下唔同既串燒。必食推介，雞皮墨魚滑，好邪惡呀🤭咸蛋黃大腸，好惹味🤣黑毛豬，同生菜包食法一樣，有創意😆雞軟骨＋窩荀白鱔串雞腎＋牛舌蒜蓉蒸茄子，好香口🤭墨魚咀，呢個硬左D，麻麻地。豬頸肉，個醬好好味雞泡魚干，老闆話剛才要等咁耐，免費送。超正黑糖菠蘿，超超超正，老闆送既飯後甜品，貪心既我問老闆可唔可以再送，佢超好人真係送多份。呢度仲有生啤飲，各款啤酒汽水，王老吉 青檸清水，熱飲。