影片
更多
2022-07-02
640 浏览
😋平時都會睇下各位Foodie朋友嘅推介餐廳，留意到呢間位於天后嘅「宴·鐵板燒」做緊推廣優惠，食物質素及環境都好似唔錯。立即訂枱帶媽媽撐枱腳～📓午市有三款套餐，媽媽鍾情鵝肝，小編就全部都想試下。所以我地就叫咗壽司、刺身、牛肉及海鮮都有齊嘅「鵝肝日式海鮮鐵板燒」套餐！🥢前菜：- 水雲菜：口感滑溜，加入薑醋調味，酸爽醒胃。🐟季節刺身：- 沖繩金目鯛：清甜鮮味，口感綿糯。- 愛知縣深海池魚：厚切上盤，口感較爽。🍣壽司：- 三鬚魚：以調味薑蔥醬油，入口清香，肉質鮮彈。- 真鯛：肉質較鬆軟，配以黑松露香岩鹽，驚喜！🦐熟食海鮮：- 野生大虎蝦：廚師建議一蝦三食，先食原味，再點檸檬汁，後配海鮮醬。虎蝦本身新鮮，肉質彈牙，簡單烹煮後已經香氣撲鼻。小編認為原味最出色。體現：上乘嘅食材，宜配最簡單嘅食法～- 香草牛油帆立貝：選用北海道新鮮帆立貝，配以自家製香草牛油醬調味。帆立貝肉質絲絲分明，牛油香與帆立貝甜味十分和諧，相互襯托，佳作。🥩肉類：- 美國頂級牛肉：醋拌洋蔥，洋蔥清甜。炸蒜片炸好乾身，但微苦。牛肉粒幾香牛味。- 香煎鵝肝伴藍莓醬：媽媽大讚，表示入口即溶化，絲綿香滑，伴藍莓醬恰當好處。🍚主食：-
📓午市有三款套餐，媽媽鍾情鵝肝，小編就全部都想試下。所以我地就叫咗壽司、刺身、牛肉及海鮮都有齊嘅「鵝肝日式海鮮鐵板燒」套餐！
🥢前菜：
- 水雲菜：口感滑溜，加入薑醋調味，酸爽醒胃。
🐟季節刺身：
- 沖繩金目鯛：清甜鮮味，口感綿糯。
- 愛知縣深海池魚：厚切上盤，口感較爽。
🍣壽司：
- 三鬚魚：以調味薑蔥醬油，入口清香，肉質鮮彈。
- 真鯛：肉質較鬆軟，配以黑松露香岩鹽，驚喜！
🦐熟食海鮮：
- 野生大虎蝦：廚師建議一蝦三食，先食原味，再點檸檬汁，後配海鮮醬。虎蝦本身新鮮，肉質彈牙，簡單烹煮後已經香氣撲鼻。小編認為原味最出色。體現：上乘嘅食材，宜配最簡單嘅食法～
- 香草牛油帆立貝：選用北海道新鮮帆立貝，配以自家製香草牛油醬調味。帆立貝肉質絲絲分明，牛油香與帆立貝甜味十分和諧，相互襯托，佳作。
🥩肉類：
- 美國頂級牛肉：醋拌洋蔥，洋蔥清甜。炸蒜片炸好乾身，但微苦。牛肉粒幾香牛味。
- 香煎鵝肝伴藍莓醬：媽媽大讚，表示入口即溶化，絲綿香滑，伴藍莓醬恰當好處。
🍚主食：
- 鐵板炒飯配海帶麵豉湯：加入大量炒至乾身嘅櫻花蝦，每啖都有濃香嘅蝦乾味。米飯彈牙粒粒分明。
- 炒什菜：以最基本嘅黑胡椒及鹽作調味，突出食材原本嘅味道。☺️整體而言：
1. 環境開揚，設有海景位，及面向廚師嘅吧枱位。欣賞靚景，或是與廚師交流互動。
2. 食物質素優質。
3. 廚師會細心介紹每道菜嘅特色及食用方式。
4. 座無虛席，到訪前定必預先訂枱。
5. 由於餐廳無設定用膳時間，食客或需等待上一台客人離開方可入座。（餐廳宜制定用膳時間規定）
宴．鐡板燒 (天后)
地址：天后電氣道54號亨環天后24樓
電話：23326200
營業時間：12:00-15:00；18:00-23:00
#香港食好西 #鐡板燒 #天后 #香港 #野生代言人 #電氣道
张贴
