陳家廚房

早兩日同好姊妹2個人去左銅鑼灣利景酒店嘅陳家廚房👯‍♀️，試左佢個聖誕節tea set，十分有驚喜！佢環境十分chill，座位夠闊又坐得舒服，裝飾帶中西合璧風格仲有個水晶吊燈，有古典既感覺！梳化位都好岩打卡😘

Tea Set有曬鹹甜點，甜點有好可愛嘅薑餅人拖肥同埋好似聖誕樹嘅Cupcake，Cupcake係黑森林口味嫁😍 而鹹點方面，鮑魚撻有成粒鮑魚鋪面，有咬口又好味～ 我最中意既仲有巴馬火腿蘆筍酥，juicy得嚟又中和到火腿嘅鹹度！英式鬆餅都值得一讚，佢有原味同提子味，質感鬆化帶微濕，甜而不膩！聽待應講話係佢地餅房日日新鮮焗嫁，真係好食！但最後同朋友都係食唔哂，帶左反屋企，第二日用焗爐輕輕反熱都一樣咁好食呀！我係飲食平台網站預訂，好似會平少少，聖誕節同朋友不妨去試下！🎄 🎅🏼