雲來軒 (已結業)

上次同老婆路過尖沙咀見到有間明星中菜店，又有朋友介紹呢間專食陳皮既中菜好食，咁緊係去試下啦。【拖地蜜汁黑豚肉】(叉燒)一來到見到個黑豚肉好靚，之後我地試下，食得出呢個醬汁比平時食開冇咁濃味，偏甜，更加能夠帶出肉味，黑豚肉既肉質非常嫩，不會比師兄燒得過硬，這個值得推介。【冰荷濃醬脆皮安格斯牛仔腩】安格斯牛仔腩應該是原條沾上粉漿再攞去炸好再切片，令到外層香脆，腩肉又腍又不油膩，肉質濃郁，加上咖哩醬汁，十分惹味。【遠年陳皮紅豆沙】最估不到就是紅豆沙用上30年陳皮煲成，食落不是粒粒紅豆，但可以煲到起沙，紅豆沙內亦會見到有一絲絲陳皮，最重要係不算好甜，岩哂唔係好食甜野既朋友。今日見到飯店整晚人客多到不得了，員工完全做到無停手，服務態度還是非常有禮，一讚！