牛魔 (已結業)

牛魔主力食嚟自唔同產地嘅和牛，宜家午市一人燒肉套餐價錢更加親民咗，比以前更加抵食。日本A4和牛西冷·牛板腱100g 都係做$138，已經包咗飯、牛骨湯、同埋沙律。見到有新嘢手拆純蟹粉蟹黃蘭王拌飯就梗係要加錢升級埋啦。和牛肉嫩油香就唔使講，佢哋嘅調味料有成九款咁多，你可以揀其中三款做套餐嘅調味。我自己就鍾意黑松露燒汁、柚子胡椒汁、檸檬鹽。黑松露燒汁多咗松露嘅香味就冇咁寡。柚子胡椒汁清新得來帶點刺激。檸檬提供鹹味加啲檸檬嘅清香。講返嗰個飯，真係用蟹黃同蟹肉鋪滿飯面，非常之足料。加埋蘭王蛋黃就真係頂級嘅享受。食完加埋杯柑橘梳打特飲就驅走晒啲熱氣啦。