牧羊少年與他的浮萍

营业中

休息中

陪媽咪去尖沙咀文化中心睇show, 完場順便係附間搵間餐廳食埋dinner先返屋企。隨意入咗呢間西餐廳---牧羊少年與他的浮萍。餐廳環境闊落舒適, 裝修時尚, 入夜更將燈光調暗, 很有格調。款式唔算好多, 但小食、主食、甜品, 款款有d,兩個人食野唔多, 就點咗一款小食同一個主食share。【慢煮豚五花迷你漢堡 配波本威士忌燒烤醬】HK$118迷你漢堡夾住了豚五花、沙律菜, 豚五花厚厚的, 肥油層比例較多, 但燒得好香,  唔會好乾, 調味方面加咗少少鹹甜燒烤醬, 好似平時食嘅ribs咁prefect match! 整個夾起大啖咬, 配搭完美平均了豚五花嘅膩。加上最頂嘅薄切酸瓜, 令口中不留一點膩。【海膽黑魚子醬蟹肉貓耳朵】HK$188每粒貓耳朵都平均掛上了橙黃色醬汁, 鮮香又creamy, 細味更食到細小蟹肉絲, 既有層次, 更將鮮味double up, 面層放上黑魚子醬、原粒海膽, 更顯耹貴。