L'AMOUR

营业中

休息中

食過幾次依然keep到高水準，耐唔耐就想黎食，今次又帶埋個好朋友黎，好食緊係要開心share😁飲品推介rose同puppy love，分別係荔枝味同橙味既cocktail，我個人好喜歡佢有陣香甜感覺，賣相又靚，有個糖漿泡泡啱晒我哋打卡，溫馨提示記得攪勻啲糖漿一齊飲，酒精甜度啱啱好平衡，最怕就係太重酒精味，好好飲👍蝶豆花木魚清湯鯛魚刺身，淡淡既花香同木魚湯，鯛魚口感煙韌，味道新鮮，海膽多士必定要食，大大塊加拿大海膽鋪喺烘脆的多士上面，加埋啲香葱調味，加拿大海膽真係好正，海膽鮮甜味十分濃郁，鍾意食海膽嘅都一定要叫埋海膽意粉，加埋忌廉汁，口感較細滑creamy，配料則有雜菌同蔬菜粒，食完飽到上心口😂朋友叫咗個法式忌廉龍蝦湯，龍蝦湯真係有龍蝦肉係入邊，濃味得多，蒜蓉多士沾湯食，係個好好嘅前菜，另一個主菜就係傳統法式鵝肝牛柳，鵝肝用焦糖燒過，甜得啱啱好，唔會食到鵝肝浸苦味，七成熟牛柳，唔會太生出晒血水，啱晒我心意，熟得來又食到牛肉既嫩滑，牛味好重，yummy yummy😁😁