影片
更多
2018-12-13
151 浏览
棟大廈向來都有好多日本嘢食，呢間日本餐廳高檔之餘，價錢其實都幾親民。平目魚邊沙律真係好高質素 ，平目魚燒到啱啱好入口即溶，好似食緊銀雪魚咁，上面有啲牛油果喺度，好新鮮，配平目魚都幾配合，而且加埋黑松露上去令到味道嘅層次感昇華咗好多。而且呢度菜都幾開胃。 我哋叫咗活貝漁獲浜燒盛合二人前，我之前見過網上都好多人推介，而隔離枱都叫咗，我見好豐富，所以我哋今次係專程嚟食下佢。 都幾多唔同種類嘅海鮮， 蟹腳好好味，而且份量都好多，配埋旁邊嘅醬汁一齊食好滋味 。個鮑魚都好大隻，而且一睇落去就非常新鮮，佢配埋柚子胡椒嘅醬食起上嚟格外特別，而且份外鮮味。我哋食咗帆立貝， 佢有兩種唔同嘅味道畀我哋揀，一係可以清酒煮，一係牛油燒帆立貝。我哋每樣都試咗。清酒煮帆立貝都幾好味，而且酒香配合帆立貝好正。我個人更加喜歡牛油燒帆立貝，因為佢仲有啲蒜蓉味喺裏面，同凡立貝的鮮味好夾，而且帆立貝燒到啱啱熟透，咬落去嘅口感非常好，一啲都唔軔。個蠔燒到半生熟， 有生蠔嘅鮮味之餘，亦都有熟蠔嘅口感 ，真係唔錯㗎。隻珍寶大蝦仲長過我隻手掌 ，而且好彈牙， 誇張啲講句 ，由於呢隻蝦嘅長度真係好驚人 ，食咗佢都幾飽㗎。我平時食得多池
平目魚邊沙律真係好高質素 ，平目魚燒到啱啱好入口即溶，好似食緊銀雪魚咁，上面有啲牛油果喺度，好新鮮，配平目魚都幾配合，而且加埋黑松露上去令到味道嘅層次感昇華咗好多。而且呢度菜都幾開胃。
我哋叫咗活貝漁獲浜燒盛合二人前，我之前見過網上都好多人推介，而隔離枱都叫咗，我見好豐富，所以我哋今次係專程嚟食下佢。
都幾多唔同種類嘅海鮮， 蟹腳好好味，而且份量都好多，配埋旁邊嘅醬汁一齊食好滋味 。
個鮑魚都好大隻，而且一睇落去就非常新鮮，佢配埋柚子胡椒嘅醬食起上嚟格外特別，而且份外鮮味。
我哋食咗帆立貝， 佢有兩種唔同嘅味道畀我哋揀，一係可以清酒煮，一係牛油燒帆立貝。我哋每樣都試咗。清酒煮帆立貝都幾好味，而且酒香配合帆立貝好正。我個人更加喜歡牛油燒帆立貝，因為佢仲有啲蒜蓉味喺裏面，同凡立貝的鮮味好夾，而且帆立貝燒到啱啱熟透，咬落去嘅口感非常好，一啲都唔軔。
個蠔燒到半生熟， 有生蠔嘅鮮味之餘，亦都有熟蠔嘅口感 ，真係唔錯㗎。
隻珍寶大蝦仲長過我隻手掌 ，而且好彈牙， 誇張啲講句 ，由於呢隻蝦嘅長度真係好驚人 ，食咗佢都幾飽㗎。
我平時食得多池魚 ，但係今次又係另一種食法。佢先起咗骨將啲肉當刺身，非常鮮味。啲骨就會之後攞去炸，炸到好脆口，配埋檸檬汁更加好味。
牛舌同埋鰻魚飯都好好味。牛舌固然香，加埋少少汁同埋蒜片上去更加可以帶出去嘅味道。鰻魚飯嘅 鰻魚好厚身 ，啲飯都整得好好，上面啲紫菜撈埋飯一齊食好開胃。
最後就係個有柚子雪葩。好fresh 好甜 ，少少酸酸地， 可以話係為全晚嘅晚餐畫上完美嘅句號。
张贴
