玄鮨 (已結業)

生日梗係要食返餐廚師發辦賀一賀佢！以銅鑼灣嘅玄鮨作為我既生日飯，師傅服務好，環境舒適，都有一個唔錯嘅體驗。首先食咗前菜先，左邊嘅係四季豆，蘸上帶點甜味嘅芝麻醬，好開胃。中間係香菇同冷麵，香菇好甜，冷麵汁亦都唔錯。而我最鍾意就係鴨胸，加埋薑蔥，香口又惹味，而且肉汁滿溢。今次係我第一次食海蜇刺身，海蜇刺身本身既味道偏淡，配上薑蔥豉油更好食。而刺身環節我係非常非常鍾意嘅！響螺十分之新鮮 ，個種鮮味令我難以忘懷。大拖羅都係必食既款式之一，味道甘香肥美，入口即融。池魚配上薑蔥，魚肉香滑，咸香。真係非常之鍾意食貝殼類嘅海鮮，鮮甜又多汁，而且份量飽滿。第一次食賴尿蝦天婦羅🍤，入面滿滿嘅蝦膏令人回味。墨魚包住明太子，係雙重享受。來自北海道海膽，鮮甜美味。最後食返水果作結，好完美嘅一餐！