玄鮨 (已結業)

周末想搵一個無咁多人嘅地方食飯，但係銅鑼灣黎講幾乎係無可能嘅事，點知男朋友推薦呢間日本料理唔單止環境好，仲要食物質素都非常高，離地鐵站都唔算遠呢間係樓上餐廳，唔算好大，但裝修非常有格調，具備隱私度我地啦左兩個lunch set，首先有個前菜，係漬螺肉，味道香濃三色丼嘅定食有沙律、茶碗蒸同熱烏冬，沙律作為開胃小食都不錯終於黎囉～三色丼，有海膽、三文魚子、吞拿魚蓉，非常新鮮嘅食材，我覺得佢最出色嘅地方係做到日本料理最高GE精粹 - 和諧，無論係調味或者食材嘅配搭都非常得宜至於另一個lunch set就係和牛壽喜燒，菜式非常豐富，有沙律、刺身盤同白飯壽喜燒食得多，但用和牛煮就係另一個層次，重點係要將牛肉沾上蛋汁，放入口滑上加滑，壽喜燒汁亦無掩蓋左和牛嘅原味，真係每一啖都意猶未盡唔同一般貨色，刺身有味道深層嘅鰹魚、油脂豐富嘅油甘魚，甜蝦都好甘甜另外連麵豉湯都睇得出有幾用心，用上豚肉令湯底更香濃，非常足料，令人好滿足最後可以選擇咖啡或者雪糕，完滿結束呢一餐