影片
更多
2023-04-07
132 浏览
今日夜晚同客人食飯，老細交帶落，要好好招呼。客人話佢下半場約咗朋友喺蘭桂坊飲酒，所以我就揀咗喺蘭桂坊附近嘅餐廳食晚飯。利寶會館喺德己立街世紀廣場4樓，裝修幾雅緻，同客人食飯不失禮。【鮮蝦菜苗餃】用小蒸籠上，鮮蝦爽口，食落淡淡菜苗清香。【一口和牛酥】酥皮超鬆脆，裡面係黑椒汁和牛粒，幾惹味。【椒鹽九肚魚】啱啱炸出嚟熱辣辣，魚骨炸到軟晒，可以放心一啖食落口。【金沙茄子】用鹹蛋黃炸出嚟嘅茄子，外表金黃色，濃濃鹹香裡面係爽甜茄子，配搭得不錯。【淮山棗杞燉螺頭湯】天氣清涼飲盅熱湯就啱晒，用料十足，暖身又補身。【蠔皇扣南非鮑魚伴鵝掌】鮑魚爽彈，鵝掌吸收鮑魚汁，口感又滑又彈，骨膠原豐富，有養顏美容功效添。【波爾多紅酒燴牛肋條】牛肋條肥瘦適中，食落有油脂嘅香滑，又有香濃肉味，讚！伴碟仲有脆脆米通同埋蝴蝶餅添～【頭抽香煎老虎蝦】老虎蝦超大隻，頭抽嘅咸香同蝦肉嘅鮮甜完美配合。【花雕蛋白蒸蟶子陳村粉】我最鍾意嘅花雕煮法～花雕酒味嘅蟶子令味道顯鮮甜。蛋白吸收咗花雕嘅味道，溫暖又有酒香，好滿足～最後就到甜品啦，【蛋白杏仁茶】暖笠笠又香甜。【酥皮蛋撻】店員話個酥皮係師傅特別炮製，食落有多層鬆脆感覺。兩個甜品都好正，
【鮮蝦菜苗餃】用小蒸籠上，鮮蝦爽口，食落淡淡菜苗清香。
【一口和牛酥】酥皮超鬆脆，裡面係黑椒汁和牛粒，幾惹味。
【椒鹽九肚魚】啱啱炸出嚟熱辣辣，魚骨炸到軟晒，可以放心一啖食落口。
【金沙茄子】用鹹蛋黃炸出嚟嘅茄子，外表金黃色，濃濃鹹香裡面係爽甜茄子，配搭得不錯。
【淮山棗杞燉螺頭湯】天氣清涼飲盅熱湯就啱晒，用料十足，暖身又補身。
【蠔皇扣南非鮑魚伴鵝掌】鮑魚爽彈，鵝掌吸收鮑魚汁，口感又滑又彈，骨膠原豐富，有養顏美容功效添。
【波爾多紅酒燴牛肋條】牛肋條肥瘦適中，食落有油脂嘅香滑，又有香濃肉味，讚！伴碟仲有脆脆米通同埋蝴蝶餅添～
【頭抽香煎老虎蝦】老虎蝦超大隻，頭抽嘅咸香同蝦肉嘅鮮甜完美配合。
【花雕蛋白蒸蟶子陳村粉】我最鍾意嘅花雕煮法～花雕酒味嘅蟶子令味道顯鮮甜。蛋白吸收咗花雕嘅味道，溫暖又有酒香，好滿足～
最後就到甜品啦，【蛋白杏仁茶】暖笠笠又香甜。
【酥皮蛋撻】店員話個酥皮係師傅特別炮製，食落有多層鬆脆感覺。
兩個甜品都好正，客人相當滿意，完美嘅一餐。
张贴
