Club Havana (已結業)

今年生日，女朋友為我預備了一星期的慶祝活動，而生日正日就去這間食dinner buffet。入到去係一間bar，去到近露台坐低，在柔和氣氛下，就開始好飽的一頓自助餐! 冷盤有沙樂美腸片、煙三文魚、凍青口和田螺和好多款沙律如薯仔沙律、田園沙律和生果沙津。煙三文魚、凍青口都好食，田螺一般，沙津款款都算吸引，不過不失! 熱葷有羊件、泰式牛羊鷄串燒、小沙煲蟹、串燒菇菇、大隻鷄翼，還有等了成晚，結果還是在別人碟上見到的芝士焗蠔。雖然熱葷款式不算多，但質素不錯，見廚師逐少逐少的上，這就夠新鮮。值得推介係自己選料的pasta，手勢一流熱騰騰，不食不可，又夠gimmick ! 甜品，白湯就......總括來說，若有三五知己想舒舒服服食一餐，這裡是一個好選擇，女朋友揀得好!