世記上海麵店

营业中

休息中

湊完比卡豬返學，同太座諗吓食咩早餐，突然興起想去大埔街市食味，就由沙田揸車入去，上到去行咗個圈，都係揀豬扒麵，今次試吓食世記，因為上次我食過隔離嗰間，豬扒又硬又乾，印象難忘!炸醬+豬扒上海麵，炸醬小小辣好惹味，豬扒外脆內軟，肉汁豐富，咁先至係炸豬扒，配上上海粗麵，Perfect !竹筍+雞翼，未上枱筍味已經飄入鼻，好掛住小時候阿婆整嘅筍蝦，雞翼又係外表脆卜卜，但雞肉滑捋捋，正!呢度仲有菜肉雲吞同幾款食材配搭，下次要再試埋先得!