東京站日式小食餐廳 (已結業)

由細到大幫襯左咁多年， 我同屋企人都好鐘意食呢間啲魷魚鬚， 只係後尾加左幾次價就買少左， 今日行過見到諗住好耐無食， 就買左份大既$35， 拎上手覺得份量都ok wor， 點知返到屋企食先知原來係炸粉多過魷魚， 重要全部都係魷魚切件， 係完完全全一條＂魷魚鬚＂都無。 如果＂魷魚既鬚＂成本真係咁貴的話， 我真係情願你俾少啲我， 都總好過一條都無咁過份， 仲要粉䊢多過魷魚， 雖然我都明白最近疫情嚴重， 生意艱難， 但都唔係咁樣架囉。