影片
相关文章
呢期特别想食煎酿三宝， 经过见到佢个定价比其他嘅小食店贵啲望一望，个样又好似唔差，所以就买左$20 六件嚟试食下煎酿三宝摆得咁井井有条， 以为实无死啦， 点知中晒伏， 叫左4 件鱼蛋， 2 件鱼饼个样正正常， 不过size 比其他小食店细少少都系个句，重质不重量，大细唔系重点， 重点系佢微温， 其他小食舖起码都扮晒嘢，帮你炸一炸，稍为翻热下， 但佢完全无， 算， 系我无主动提出， 系我问题， 自己见到仲有咁多，自以为系啱啱炸起， 点知系因为无人问津温度唔讲，只论味道同口感都完全唔得， 炸鱼蛋𠮶外皮偏硬有啲韧， 完全唔系脆， 鱼蛋又唔多弹， 少实， 仲要零鱼味， 其他舖买， 粉多极都食到有少少鱼味， 而佢系零不过最恐怖都系佢个鱼饼同上零鱼味之余，佢系 冻嘅，附加系又硬又实， 今次唔系少少实， 系直情实的的， 要有返啲牙力先咬得开，基本上我唔知自己食紧咩。最后都有嘢赞嘅位， 就系佢个豉油唔错， 唔会死咸， 多谢晒。其实食品同餐牌
继续阅读
椰丝车轮饼😋$7@1 (?) ✨：8/10行过见到冇人帮衬，但系个menu其实几吸引㖞😂，所以就试下。个价钱咁平，其实都冇乜特别期望。(买4个会再抵啲)拣咗椰子口味嘅车轮饼，估唔到又几好食。虽然唔系即整，不过都系热嘅。😋入面嘅馅都唔少😋食得出椰子口味。👍当然就唔系话好自然𠮶仲椰子味啦，不过我几钟意😋。个价钱咁平，几抵，而且唔使排队，即俾钱即有😂行过都会想再买。🤤仲有鸡蛋仔同格仔饼睇落都ok👀
继续阅读
$20一碗，都预咗唔系鲮鱼肉咁嘅质感，但冇谂到难食到咁离谱，除咗啲鱼腥味令人知道佢系「鱼肉」之外，好似食紧一旧粉浆凝固咗再浸返淋咁嘅嘢，口感唔弹牙都算，直情衰过煲胀咗嘅鱼蛋，咬完仲有啲生粉粒微微黏住啲牙嘅感觉，刚好入冬，难食到打冷震未试过食唔哂一碗「生菜鱼肉」。生菜得3块仔剪碎，多谢哂。
继续阅读
呢间嘢好似都几出名咁，叫咗个章鱼小丸子嚟食，虽然咁嘅价钱的确都真系算好抵食。但佢嘅面粉糊太多了，章鱼肉又劲少，好似食紧一个面粉团咁，虽然价钱真系平但质素真系好一般
继续阅读
晚上1:00收工行去坐N车，途中会经过东京站，通常收左工或者清洁紧，但今次佢仲营业中….营业嘅系右边嘅‘ 麻辣屋‘ $40 可以拣4个𩠌，店员话拣多个都得😜😜，八卦倾左两句😂😂，原来落咗成日雨冇咩生意所以开到咁夜，做多一阵得一阵！🥺🥺辛苦啦！大家都辛苦啦🥲🥲～～～酸辣凉皮+鸡肾+猪肚+猪大肠+支竹～～～一大碗份量好多，满到上盖顶😋😋凉皮劲大块😙😙，起码有两三只手指阔度，记得捞匀先好食，攞到返屋企酱汁去晒底部😜😜，我叫左小辣唔会好劲，下次试吓中辣先😝😝花生🥜同青瓜丝都几新鲜🙂🙂，鸡肾好味唔会好硬，猪肠有咬口冇怪味😁😁
继续阅读