影片
更多
2021-06-12
2589 浏览
傳說中嘅黃店 無見過佢有available geh booking🥲拖朋友鴻福 先book到嚟食可惜......太大期望 又換嚟失望😂食物選擇唔係話好多 但都幾啱我口味嘅麵包配黑醋牛油 又幾特別 但我就一般般黑醋意式炸海鮮 $90蝦、魚、魷魚 x 4, 蝦同魷魚就普普通通啦個魚 (聽聞用咗龍躉) 魚味係有嘅 肉質偏結實但用炸嘅方式唔係好夾昆布蜆湯$68聞落好鮮 但飲落無味嘅Carbonara $158期待已久嘅手工意粉意粉嘅質地真係同平時食開嘅唔同口感的確係一流都算係我食過入面嘅數一數二醬汁用上正宗意大利做法夠晒濃郁 好好味不過呢🧐一放落口好食但食食吓 啖意粉就變咗無味好似白烚意粉咁原本入口有90分 吞落去嗰陣得返30分 拉返勻都有60分 正路啦依個天堂與地獄嘅反差層次我都係第一次試“黃”布和牛千層麵 $178一個好普通嘅千層麵😂抵讚嘅係芝士同牛肉夠多不過就唔係好食得出係和牛🤔依個質素同份量係屯門賣$178 只可以話我真係有點窮🥲松葉蟹甲羅燒蟹膏意大利飯 $288 估唔到一間專賣手工意粉嘅餐廳最好食竟然係risotto食法係由外食到內食出唔同感覺🥰最鐘意係炙燒蟹膏嗰個部份有蟹嘅鮮 又有
傳說中嘅黃店 無見過佢有available geh booking🥲拖朋友鴻福 先book到嚟食可惜......太大期望 又換嚟失望😂
食物選擇唔係話好多 但都幾啱我口味嘅
麵包配黑醋牛油 又幾特別 但我就一般般黑醋
意式炸海鮮 $90
蝦、魚、魷魚 x 4, 蝦同魷魚就普普通通啦個魚 (聽聞用咗龍躉) 魚味係有嘅 肉質偏結實但用炸嘅方式唔係好夾
昆布蜆湯$68聞落好鮮 但飲落無味嘅
Carbonara $158
期待已久嘅手工意粉意粉嘅質地真係同平時食開嘅唔同口感的確係一流都算係我食過入面嘅數一數二
醬汁用上正宗意大利做法夠晒濃郁 好好味
不過呢🧐一放落口好食但食食吓 啖意粉就變咗無味好似白烚意粉咁原本入口有90分 吞落去嗰陣得返30分 拉返勻都有60分 正路啦依個天堂與地獄嘅反差層次我都係第一次試
“黃”布和牛千層麵 $178
一個好普通嘅千層麵😂抵讚嘅係芝士同牛肉夠多不過就唔係好食得出係和牛🤔依個質素同份量係屯門賣$178 只可以話我真係有點窮🥲
松葉蟹甲羅燒蟹膏意大利飯 $288
估唔到一間專賣手工意粉嘅餐廳最好食竟然係risotto食法係由外食到內食出唔同感覺🥰最鐘意係炙燒蟹膏嗰個部份有蟹嘅鮮 又有燒過嘅香 配埋risotto 真係無得頂
但薄薄一層 賣$288🥶覺得貴咗啲
甜品
Cream Brûlée $58
唔係好鐘意面頭啲菠蘿其他部份就好食嘅
DIY tiramisu $58
又係好大反差😂放啖tiramisu入口嗰吓個味有少少驚艷嘅但係個口放耐咗 個質感就有啲奇怪唔難食 又未去到好識欣賞🤔
海鹽玫瑰荔枝梳打 $68荔枝同玫瑰味都好香 飲落唔太甜 加埋梳打 都唔錯嘅
4個人：前菜 x 1
湯 x 1
主菜 x 3
甜品 x 2
飲品 x 4
係屯門 無開酒 食唔飽 唔係話好好食埋單人均三百窮人表示覺得好overpriced唔係好明點解會被人吹捧得咁高
张贴
