老鍋台式火鍋 (金馬倫道) (已結業)

其實價錢好貴好唔抵食，座位係硬木櫈坐得唔舒服，食物質素唔差但完全唔係特別好食。唔明點解咁多人讚？茶位醬料費都每人20，冇茶飲架喎？醬料得極普通豉油、蔥、辣椒、炸蒜嗰啲，酒樓質素3個人埋單$12xx，每人要400幾，呢個質素黎講真心好貴，完全唔值。食物選擇唔係特別多，亦冇乜特色，都係得啲普通野。口味其實好唔台式，偏中式，完全比唔上台灣食嘅台式火鍋。飲品叫左杞子菊花露，幾好飲，但都貴，88蚊一jar。唔係難食，但呢個價，真係唔會再有下次。