極上帝王水產

营业中

休息中

人生第一次食放題食到咁嬲。首先收費極唔透明，我地食set A, 一般日式放題個餐，傳單寫一個價錢，上到去變另一個價錢，入坐前話收$339再加一，但入坐後變咗$399加一。問佢點解係$399，佢又話講錯你知，唔好意思。當晚已經8-9點先入坐，唔想再搵其他餐廳，又見有咁多讚好，諗住貴少少都算。點知食物極垃圾，計埋加一成420幾一位，一般日式放題嚟講，呢個價位嘅食物應該唔差。但點知所有食物都好差，啲刺身又梅又簿切。壽司舊飯一夾就散，炸物唔夠熱，天婦羅層粉勁油勁厚，完全唔食得，有個壽喜燒鍋，啲肥牛硬過我條命。食到成肚氣。而且啲食物嚟得好慢，唔好食又食唔飽！後來同隔離枱傾計，佢地食最貴個餐，有得燒海鮮，但收成600幾700一位，啲海鮮都係麻麻地，性價比極低。完全可以拎舊錢食其他，420幾食其他放題實無咁嬲。