花木日本料理 (已結業)

第一次到花木食飯，好似走高檔日本餐廳路線，但門口個經理同侍應黑口黑面！我望下幾點當時6:20，我book左6:30無遲到呀，唔知佢咁西面做咩！同行朋友帶左bb，當日下午已打俾花木問有無bb chair，佢話有，咁我咪講我book左4位6:30，麻煩你再幫我加張bb chair。侍應：得啦！我知邊張檯嫁啦！但帶入位時依然係4人檯無加bb chair！咁我打黎加bb chair做咩？😡跟住個侍應先話：咁俾張大啲既檯你囉！你地有需要既話😑！唔知真係以為自己去左茶餐廳，侍應可以無禮貌到咁！（佢可能係經理著晒西裝行黎行去唔願做咁）叫左2888 4人餐，食物質素例如刺身，唔新鮮！解凍時間唔夠！板長都好過佢！壽司亦都完全唔得，唔新鮮好似擺左好耐先俾你食咁。又唔介紹係咩刺身，上菜次序勁亂，廚房整左咩俾你就拎出黎俾你食先，出左串燒先出刺身果下西利！openrice訂座，寫左有人生日。4人餐個甜品寫左Happy birthday to xxx，但最搞笑係成件事由頭到尾我無俾壽星女個名佢，佢就寫左xxx，但我壽星女叫yyy。同檯朋友話個甜品唔係我地，我地無人叫xxx，侍應：無可能！今晚得你地e檯有人生日咋嘛