湯加 (黃埔天地)

天氣悶熱，見呢間食湯飯都唔錯，所以走入去坐低。睇menu, 見窩旦鮮茄豬潤牛肉賣相ok，所以就order. 點知餐送來⋯ 我第一句問阿姐：「咦？點解冇窩蛋？」阿姐都覚得懷疑，後來用隻匙羹撹下，噢！見到有少少蛋花物體⋯ 阿姐即刻話：「呢，咪有蛋囉！」幾時窩蛋改左蛋花昵？

算！ 忍佢！我再夾起一塊牛肉入口，嘩！乜d牛肉入口即溶，仲淋過豆腐！完全冇肉味，d鬆肉粉乸到不知所謂！

再試夾豬膶⋯ 一塊比指甲大片少少嘅豬膶超鞋，再夾⋯ 不得了，無名火起到昵⋯ 我只係夾到兩大塊又筋又散亂嘅渣！離哂大譜！

我立即投訴，但佢地只輕描淡寫地話換，不過唔係煮過一碗，只係比我㨂另一個餸。最後換左兩舊仔一d都唔軟嘅豬軟骨比我囉！

完全中伏，睇黎昵間應該做唔長～

同相片兩回事，完全唔見有窩旦

呢d叫豬膶？可以放入口嗎？

牛肉淋到冇牙都食到🙈

一d都唔淋嘅豬軟骨😑