心之食堂 (裝修中)

今日黎到銅鑼灣，搵到間樓上ge日式食堂，由於好早就上去食飯，果日就比較靜，食飯食得好舒服~餐廳唔算大，不過位置都舒適。邪惡包~帶子夾鵝肝，好好食!!有種入口即溶感覺，而且一件$38，都算抵食呀!厚燒牛舌心，好新鮮，的確厚切，燒得岩岩好，唔會好硬，不過$58一串就有點貴。南瓜薯餅，一般般，冇咩驚喜，南瓜味都唔係好出。燒汁燒白鱔，又係好好食!!又係嘩一聲，肉地厚，一啖食落好滿足，燒汁好襯個鱔，食完一串會再想食!鹽燒雞翼，要等比較耐，但又真係幾好食，仲切開左，易食D而且好入味。芝士炸雞就麻麻地，覺得個芝士可以試下用第2款芝士，因為呢個芝士唔係好痴個雞，食果陣就好似分開食咁。