潮福蒸氣火鍋 (已結業)

之前食過新蒲崗分店, 覺得味道OK但環境太污穢, 所以家人生日就諗住試下深水圳分店諗住新D。四天定了張7人台, 8 點。約好晒人，點知去到當日，餐廳打來話要我地食8點半。諗住都係差半個小時就算啦。8點半去到，全場FULL晒，一張台都冇，我地全部人到晒，有老人家，小朋友，全部都未食飯，要我地等!  等半個鐘後問佢有台未，叫我地等多三個字，兩個次後又叫我地再等多三個字! 完全冇諗過點樣安排張台俾我地! 等到差不多9點半，都係未有台!  我地係四日前定左台，CONFIRM左嫁! 點解可以要我地咁多人等成個鐘，都仲未可以安排到一張台??? 同時間又有兩台人好似我地咁呆等，我地聽到其中一人問，究竟點樣定台先可以有張台!!??其實潮福係限食2.5小時，夠鐘就應該請台客走，完全唔明點解安排唔到，可以由得定左台的客係度無限期呆等!! 仲要係見到有老人家同小朋友都冇任何安排!! 而無論係樓面或者經理，見到呢個情形，都冇諗住幫手安排下!!最後壽星公等到發脾氣，全家轉場去另一間餐廳食。BLACKLIST!! 新蒲崗分店污穢，深水埗除左管理服務差，也很污穢!! 等待其間我地去睇魚缸，見到員工將生龍蝦，切好的魚