604
56
18
等级4
145
0
以前未疫情嘅時候去台灣簡直係易如反掌,只不過就好似係荃灣去柴灣嘅時間咁,所以成日都去。疫情咁耐就冇返過「鄉下」咁耐,平日唯有食下台灣菜安慰下自己啦。香港出名又好食嘅台灣菜十隻手指都數得晒,呢間臺北棧可以話係香港數一數二可以還原到正宗台灣味嘅餐廳。今晚嘅主題喺台灣夜市,所以主打係淨係喺台灣夜市會食到嘅小食!平時行夜市手上面一定會手揸一杯台式特飲,今晚揀嘅係綠豆沙牛乳!紅豆冰就飲得多,綠豆沙牛乳真係少見。因為綠豆沙屬於寒涼野,加埋凍牛乳,夏天飲簡直係透心涼!面頭浸綠豆沙杰杰地,撈埋質地厚稠牛乳,飲飲下都幾飽㗎~想像自己掃緊街,唔可以唔嗌台灣最出名嘅鹽酥雞同埋台灣獨有嘅甜不辣掛?三色鹽酥雞即叫即炸 外脆內軟,仲要勁大粒,大粒到好似食緊韓國嗰啲炸雞咁!味道上完全還原到台灣夜市嗰種風味,唯一嘆同嘅係呢度仲額外提供咗三種唔同口味嘅醬汁比你點:黑松露醬、清甜柚子醬、冬陰功醬~一個餸,可以食到三種風味,一箭三雕!我自己最鍾意冬陰功醬,因為本身都鐘意泰式風味,酸酸辣辣咁,好開胃!另外明太子甜不辣一樣有驚喜!可能有啲唔熟台灣嘅朋友會唔知咩係甜不辣,其實甜不辣食落去就好似魚蛋咁,係有啲煙韌彈牙嘅嗰種口感~就
更多
以前未疫情嘅時候去台灣簡直係易如反掌,只不過就好似係荃灣去柴灣嘅時間咁,所以成日都去。疫情咁耐就冇返過「鄉下」咁耐,平日唯有食下台灣菜安慰下自己啦。香港出名又好食嘅台灣菜十隻手指都數得晒,呢間臺北棧可以話係香港數一數二可以還原到正宗台灣味嘅餐廳。
9 浏览
0 赞好
0 留言

今晚嘅主題喺台灣夜市,所以主打係淨係喺台灣夜市會食到嘅小食!平時行夜市手上面一定會手揸一杯台式特飲,今晚揀嘅係綠豆沙牛乳!紅豆冰就飲得多,綠豆沙牛乳真係少見。因為綠豆沙屬於寒涼野,加埋凍牛乳,夏天飲簡直係透心涼!面頭浸綠豆沙杰杰地,撈埋質地厚稠牛乳,飲飲下都幾飽㗎~
11 浏览
0 赞好
0 留言

想像自己掃緊街,唔可以唔嗌台灣最出名嘅鹽酥雞同埋台灣獨有嘅甜不辣掛?三色鹽酥雞即叫即炸 外脆內軟,仲要勁大粒,大粒到好似食緊韓國嗰啲炸雞咁!味道上完全還原到台灣夜市嗰種風味,唯一嘆同嘅係呢度仲額外提供咗三種唔同口味嘅醬汁比你點:黑松露醬、清甜柚子醬、冬陰功醬~一個餸,可以食到三種風味,一箭三雕!我自己最鍾意冬陰功醬,因為本身都鐘意泰式風味,酸酸辣辣咁,好開胃!另外明太子甜不辣一樣有驚喜!可能有啲唔熟台灣嘅朋友會唔知咩係甜不辣,其實甜不辣食落去就好似魚蛋咁,係有啲煙韌彈牙嘅嗰種口感~就咁食可能會有少少油膩,點埋佢上面鹹鹹哋嘅明太子醬正正可以中和到!最後就由台灣美食代表——招牌魯肉飯作個完美嘅句號。平時唔係太好食煩嘅我,對魯肉飯冇招架嘅能力。肥美嘅魯肉多到好似座山咁,超級入味,撈多三碗飯都唔嫌多!
26 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食