瀛舍 (已結業)

大鴻輝中心又多一間放題，黎左食餐勁慨。唔講咁多，一開波梗系壽司刺身先，食呢D歸本野，壽司好多得點，手卷唔系好大條唔怕飽左，壽司飯都唔算大舊，唔系D質飽你就算，刺身新鮮，好食呀。炸野焗野咩都有D，一班人最鍾意香口野，炸到乾柴烈火最啱，encore又encore，個炸雞軟骨有台灣味，搶住食㗎。汽水甜品唔少得，但無諗過有咁多，甜品有n個雪櫃，淨系食甜品都夠哂，成個甜品放題咁樣。食左幾樣又堅好味喎，又香又甜啱哂啦，個木糠布甸最合心，一層木糠一層忌廉，好味到暈，肥死都抵。