日悅極尚日式放題 (已結業)

今日遇著相撲手食量嘅朋友生日，就梗係去放題穩陣啦。今日搵咗間超大間嘅日式放題，因為我真係好擔心，普通size嘅座位滿足唔到呢位人兄，所以我就去咗呢間日"悅極尚日本放題"座位之間非常寬敞，可以舒舒服服坐喺度奔騰咁食，真係一樂也~食物種類非常多選擇，仲見到我最鍾意食嘅海膽壽司除咗點order紙上面嘅嘢食，仲可以出去行個round,海鮮，甜品，熱湯，飲品，啤酒都任攞~突然間鈴鈴響，原來開始限時食物。記得聽日鈴響就出去排隊攞，因為派完即止!冇諗過竟然喺放題見到任食加拿大海膽。刺身就緊係重點勁食目標!每樣都好新鮮，最開心見到赤貝，因為好多放題已經冇得食。呢個清酒煮蜆勁好味~落咗啲蒜蓉，昆布蔥花，仲有大大隻新鮮肥蜆，個湯鮮甜到呢～估唔到放題都食到呢個質素燒海蝦,size 都大，味道鮮甜。每人可以揀樣一款，精選食物。我就揀咗牛油焗元貝。蒜片炒和牛，雖然未去到入口即溶。但係已經好滿足~連雪糕都正過人，Movepick有3種味。都仲唔夠食嘅，出面勁多款，木糠布甸，紫薯小杯....相撲手滿足離場，yeah~