手日土咖啡室 (已結業)

第一次上嚟係同朋友飲咖啡，見到有得學陶瓷，暑假就拿拿聲帶個女嚟學（講咗好耐），而家仲上埋恆常班。呢到環境好舒服，周圍又放晒啲陶瓷作品，連熱飲嘅杯都係自己整。啲咖啡好香，但只得小食，食物種類偏少，可能佢哋以陶瓷班為主啦。試過腐乳雞翼，薯條，樣樣都好好味，即叫即整但整嘅時間比較長，不過嚟得呢啲地方都想慢慢坐，我又唔介意嘅。喺外面可以見到晒陶瓷班課室嘅情況，可以一邊嘆咖啡，一邊睇人上堂，又係另一種享受。