美味佳 (已結業)

好记得个电视机播嘅MV会随着时代转变，最跟得上潮流。曾几何时阿姐应承过永远唔落闸，但最近都开始落闸会休息。每次一去到，一定会等劲耐，等到肚饿第一样叫嘅嘢就系蛋炒肠粉，因为喺即炒唔洗等，我食嘅蛋炒肠粉经历过好多代，有唔同嘅阿姐炒过，味道始终如一如。最难忘嘅系，你望住姐姐们一路泼吓泼吓啲烧烤，最期待就系一大碟鸡全翼喺你枱面，性价比极高。其他菜式，其实味道都差不多，但呢度真系大件夹抵食，娃娃菜、秋葵、韭菜、芥兰，每一寸都好足料，唔会好似出面啲烧烤咁得几条，保证你一定食得饱，食唔饱就叫串粟米。相信会食完再食，唔系因为个味道，而系因为食返学生时期嘅回忆，你会见返同一个阿姐烧鸡翼俾你，就好似返返去学生时期咁样。