盛八食堂 (已搬遷) 新店位置

香港吹起拉麵風日本拉麵店開到爭崩頭自從一年前食過豚王同達磨之後藍藍就想集郵咁試晒d新店呢日放工本來想食 魂點知去到只係七點幾就已經截左龍真係你肯排隊等 佢都無得比你食既然一心諗住食拉麵 又唔想行返去一風堂就近近地轉彎食盛八啦諗住op評價都唔差佢既燒肉店又幾出名點知食完覺得..只係比味千拉麵好d本來想叫伊勢海老湯松葉蟹二本爪拉麵點知無賣!又話係人氣...最後叫左味增湯黑豚叉燒拉麵同牛骨湯大根牛舌拉面味增湯正常麵質偏硬身 好唔好就睇個人喜好 我就無所謂個麵都好大 男仔唔大食都夠食配料都好足好多粟米 岩晒我呢個粟米粒怪不過塊叉燒唔得..又簿又無咩味 煲湯豬肉分分鐘仲好食溏心蛋我無食 不過貓話唔錯至於我果碗牛骨湯大根牛舌拉面等左大半個鐘先黎個侍應好似未訓醒咁十催九唔應...牛骨湯香濃樸鼻 甚具膠質唔好講笑啦 兩碗麵連熱都唔夠熱湯底唔濃郁 一d香味都聞唔到!個湯有無牛味有..味精開出黎,你想要咩味有咩味雖然個麵同湯唔得但係蘿蔔幾林幾入味牛舌都唔錯 一口一粒岩岩好我唔覺得醬汁太鹹可能一向偏愛食得咸埋單唔貴但係唔值