城中小閣 (已結業)

妈妈生日饭，佢自己要求的餐厅，有朋友试过话好好味所以一试。第一个感觉入去好像私房菜，环境优美。干净舒服，有15张枱左右，因为比较早上去所以未有太多客人。头盘陈醋云耳，醋味唔够，云耳爽口弹牙，但份量太少每人只得三四片一个孖宝系蒸桂花蚌同埋苹果醋排骨。排骨味道唔错好浓郁，好想叫一碗白饭配食。但排骨略嫌骨多肉少，份量亦都唔多。蒸桂花蚌恰到好处，粉丝放底。味道同普通酒楼冇分别没有太大惊喜。荷叶饭略嫌太干身饭质略硬，饭粒分明有淡淡的荷叶香。味道不错。份量约五碗美中不足系个侍应大力推介的炖响螺汤每位＄78。炖汤味道浓郁，十分足料。一碗半左右成为78元价钱偏贵，唔算太多油份，唔计较钱的值得一试！但略嫌侍应推介手法有点长气，刚坐低未开始点餐就推介我哋，这个汤，话有客人点多唔要我地先有如果唔系就要预留。我哋话一阵再谂，到落单途中都系咁推荐。话个汤冇㗎啦，好快会俾人要左，感觉上好大压力。最后妈妈都选择饮，无所谓妈妈开心就是了。总结无想像中咁好食，所有嘅食物份量都好少。食物有小小特色。试过一次就算，因为价钱唔算太平，如果要叫到饱肚每人都差不多要350到400元一位！我地其实未饱因为之后要食蛋糕所以无叫太多。