高朋滿座 (已結業)

今日媽媽生日，去咗屯門藍地食小菜，見有得book打牌，附近又有車場泊車，泊完車唔洗5分鐘就行到去，都好方便。預早book定枱+海鮮（蝦）+book埋我媽媽最鍾意嘅娛樂（打麻雀），佢一去到見有麻雀打就開心，打一下午，時間過得好快，打完就叫上菜，好快就食得飯，上菜速度都幾快，有效率，每一味餸都好好味，好夠味墨魚餅外脆內軟，啱啱炸起夠熱，小朋友一見到爭住食椒鹽鮮魷好脆好味牛柳粒好林。雞煲好夠味。脆皮咕嚕肉好脆又好薄粉，一定要試。豉油王蝦連殼都可以食。每一碟都可以食清哂打牌連食飯加埋，埋單都唔貴。下次可以再幫襯