高朋滿座 (已結業)

叫個餸一個鍾都未到，問下有無落單好正常。。。點知個事頭婆答：我都答你唔到咕喎！後尾朋友去咗洗手間，問都唔問就攞張櫈走，同佢講話有人喎，佢就點知隻到最後同我哋講：話個餸整濕咗，所以無出。。。真係食到一肚

今晚心血來潮近近地嗌外賣，叫咗三個餸返我姐姐屋企食，分別係咕嚕肉、椒鹽九肚魚，同埋密椒薯仔牛柳粒，全部都超有驚喜！有酒店級水準、有鑊氣兼且有服務！咕嚕肉皮薄香口又爽口，密椒薯仔牛柳粒嗰個牛柳好林應該係和牛，連我媽媽80幾歲冇牙嘅都食到，同埋都讚好食又野味，呢三個餸合共$297，雖然唔係好平但係都係值得去食的！因為係街坊所以自備碟上, 然後ready就拎返屋企! 服務員仲主動幫手拎返我屋企門口，太令人感動了！希望店主生意蒸蒸日上，得閒一定會再幫襯！本人甚少甚少甚少寫食評，特別係廣東菜，希望店主廚師一直做落去！

今日媽媽生日，去咗屯門藍地食小菜，見有得book打牌，附近又有車場泊車，泊完車唔洗5分鐘就行到去，都好方便。預早book定枱+海鮮（蝦）+book埋我媽媽最鍾意嘅娛樂（打麻雀），佢一去到見有麻雀打就開心，打一下午，時間過得好快，打完就叫上菜，好快就食得飯，上菜速度都幾快，有效率，每一味餸都好好味，好夠味墨魚餅外脆內軟，啱啱炸起夠熱，小朋友一見到爭住食椒鹽鮮魷好脆好味牛柳粒好林。雞煲好夠味。脆皮咕嚕肉好脆又好薄粉，一定要試。豉油王蝦連殼都可以食。每一碟都可以食清哂打牌連食飯加埋，埋單都唔貴。下次可以再幫襯

個底汁好夠味又唔會太咸，啱啱好唔會搶哂食材嘅味道，食材新鮮有心思，鯪魚肉&魚蛋（口感煙”un “估計係自家製）、鴨、蠔、魷魚⋯樣樣都好食出乎預期嘅效果，第一次食盆可以清底值得一試！