火鍋撚 (染布房街) (已結業)

天氣開始凍係時候又想打邊爐，但由於而家疫情嚴重，所以出街食飯都比較危險，唯有在家慢慢食最安全。但天氣太凍連洗碗都唔太想，外賣火鍋料回家比較方便，而且可以洗少很多。店員外賣包裝得非常好，平時很怕回家途中會打瀉湯底，但他們用保鮮紙包住內外，保証不會漏瀉，值得一讚。媽媽滋補老火湯底份量非常足夠，足足有兩大盒，湯底材料十足，有粟米、紅蘿蔔、雞肉、豬肉、螺頭等等，飲落滋補香濃，味道鮮甜。火鍋撚御用手切肥牛（小）肥牛色澤均勻，油脂甘香，輕輕淖一淖，已經鮮嫩可口，肉味香濃鮮甜。極品黑豚肉（例）黑豚肉油脂比例均勻，食落帶點爽口鮮甜，肉質鮮嫩滑溜。超爽珊瑚蚌肉質鮮嫩爽脆，口感鮮甜美味。養顏花膠花膠厚肉膠質重，吸引了湯汁之後，鮮嫩入汁，非常滋味。香菇貝鮑鮮滑墨魚滑拌香菇貝飽粒，香菇清香撲鼻，貝鮑鮮味有咬口，整體鮮味十足，爽口彈牙。