影片
更多
2017-12-19
109 浏览
同朋友講起, 佢話上星期係觀塘食雞煲, 但原來同一個場有得食西餐, 環境好舒適, 所以我地今次就試下隔離既西餐~ 係The wave呢幢工廈既3樓, 之前都黎過其他餐廳食, 相比起其他工廈既餐廳, 呢到比較乾淨同埋新, 唔洗怕搭舊lft XD 星期日晚黎相當旺場, book左7點鐘但見個booking本簿都寫得幾滿, 入面座位數量頗多, 地方闊絡, 座位與座位之間空間夠多, 唔怕聽到格離傾心事, 又幾適合一班朋友仔黎傾心事~ 蟹肉牛油果沙律 $98首先叫左個沙律先, 朋友見到牛油果加蟹肉呢個配搭嚷着要試, 所以雖然有好多款沙律我地都揀左呢款最有特式的~ 一上枱比想像中更有特式, 以青瓜薄條十字紋既編織方法包裹住, 確係花過心思, 入面既牛油果肉碎處於半蓉狀態但仍然咬到牛油果, 混和左蟹肉碎, 牛油果同蟹肉比例平均, 蟹肉份量不吝嗇, 所以睇落細但其實蟹肉都係貴價成材, 所以都值回票價~ 底部有片啫哩, 食落酸酸甜甜的好似芒果味。 威靈頓牛柳 $288正餐我地揀左威靈頓牛柳食, 其實呢個正正係我去既目的, 因為之前有朋友係旺角分店試過話好食, 身為唔愛牛既我, 自從之前食過一次呢個菜式,
係The wave呢幢工廈既3樓, 之前都黎過其他餐廳食, 相比起其他工廈既餐廳, 呢到比較乾淨同埋新, 唔洗怕搭舊lft XD
星期日晚黎相當旺場, book左7點鐘但見個booking本簿都寫得幾滿, 入面座位數量頗多, 地方闊絡, 座位與座位之間空間夠多, 唔怕聽到格離傾心事, 又幾適合一班朋友仔黎傾心事~
蟹肉牛油果沙律 $98
首先叫左個沙律先, 朋友見到牛油果加蟹肉呢個配搭嚷着要試, 所以雖然有好多款沙律我地都揀左呢款最有特式的~ 一上枱比想像中更有特式, 以青瓜薄條十字紋既編織方法包裹住, 確係花過心思,
入面既牛油果肉碎處於半蓉狀態但仍然咬到牛油果, 混和左蟹肉碎, 牛油果同蟹肉比例平均, 蟹肉份量不吝嗇, 所以睇落細但其實蟹肉都係貴價成材, 所以都值回票價~ 底部有片啫哩, 食落酸酸甜甜的好似芒果味。
威靈頓牛柳 $288
正餐我地揀左威靈頓牛柳食, 其實呢個正正係我去既目的, 因為之前有朋友係旺角分店試過話好食, 身為唔愛牛既我, 自從之前食過一次呢個菜式, 就覺得念念不忘, 可惜呢個菜式頗花費功夫時間, 唔係成日都食到。
比想像中大份, 外表烤得黃金色既酥皮, 係燈光照射下更加吸引, 酥皮面以格子切紋既裝飾, 一切開就見到厚厚既牛柳扒,
煮得七八成熟, 正合我意, 始終呢個菜式好難煮得太生, 血水會令酥皮淋身。
酥皮相當鬆化又富油酥香, 層數夠同片片夠薄身, 牛肉即使厚身但唔會韌, 牛肉味雖未至十分濃郁但都食到, 威靈頓另一味道來係同樣係饀既雜菇碎, 煮得濃味但菇味明顯, 成為酥皮同牛肉味道融合既橋樑, 看似配角, 其實都係主角呢~~
呢個main份量十分足磅, 兩個人分都無問題, 記得上次食細份D但價錢都三字頭, 呢到唔洗三百蚊性價比更高。
白酒煮蜆 $108
另外叫左白酒煮蜆呢個小食, 但都幾大碟, 蜆隻即使煮過後都頗為飽滿, 亦無出現只有殼蜆肉失蹤既情況, 而且夠酒香味, 令蜆肉鮮甜度再進一步提升, 配以少量車厘茄仔, 唔錯~~
甜品環節又到, 甜品選擇近十款, 令人眼花瞭亂, 但偏偏我地揀左最常見既心太軟, 哈哈~
綠茶心太軟 $78
心太軟周圍都有得食, 但要高質有水準既實在唔多, 可選抹茶同朱古力味, 揀左前者, 無令我地失望。
流心度係最重要既元素, 一切就見到緩緩流出既熔漿, 食落温度夠熱, 外表尚算脆身, 但唔會好單薄所以口感仍保持到蛋糕質感, 至於抹茶味比想像中更濃, 濃郁度可蓋過朱古力, 正正係抹茶控想要的, 配以朱古力雪糕冷熱相交確係享受。主菜同甜品都令我同朋友滿意, 睇黎下次再黎唔係食雞煲, 而係再食西餐lu~
张贴
