影片
更多
2006-11-10
6 浏览
好耐冇去譚魚頭了，由最初開張book枱要3個月到後來的門庭冷落到大改革變成港式茶樓我都一一經歷過。記得當年叫豆苖，係豆苖苖，正爆，但後期係熱盤變冷盤，手切牛肉係美國冰切牛肉，真係心都實哂。今日姑且試試，有Ｄ意外噃！就係Ｄ食物水準竟然番轉頭，只係爭少少就好似開張時咁好食，但都仲係好港式。今日叫了手切牛肉，龍蝦拼鱔片，蘿蔔，脆鯇腩骨，蓎蒿菜，酸梅湯一Jar，埋單$440。點都好，集團式o黎講我始終都覺得佢比小肥羊好少少。服務... 真係搞笑到爆。一開枱未叫餸，姐姐已經叫我地叫魚頭，朋友唔想食，就話唔駛啦。中途朋友想叫酸梅湯...「唔該，有冇酸梅湯？」「有魚頭呀！」「o下？酸梅湯喎...」「哦... 有。」咁以為姐姐聽錯啦。好了，食物食光，水都飲光，姐姐過o黎執枱，執執o下枱，突然話：「有魚頭喎！要唔要呀？」咁Hard Sell，獎你一粒星啦！
今日叫了手切牛肉，龍蝦拼鱔片，蘿蔔，脆鯇腩骨，蓎蒿菜，酸梅湯一Jar，埋單$440。
點都好，集團式o黎講我始終都覺得佢比小肥羊好少少。
服務... 真係搞笑到爆。
一開枱未叫餸，姐姐已經叫我地叫魚頭，朋友唔想食，就話唔駛啦。
中途朋友想叫酸梅湯...
「唔該，有冇酸梅湯？」
「有魚頭呀！」
「o下？酸梅湯喎...」
「哦... 有。」
咁以為姐姐聽錯啦。好了，食物食光，水都飲光，姐姐過o黎執枱，執執o下枱，突然話：
「有魚頭喎！要唔要呀？」
咁Hard Sell，獎你一粒星啦！
张贴