博洛尼亞 (已結業)

與舊同事食飯，地點揀在沙田，因為這是中間點。沒有預先訂檯，舊同事先搵位，總之邊度有位就去邊間，結果來到博洛尼亞。坐下，便各自選餐，我要咖喱吉列豬扒飯，加錢轉了餐。套餐是有湯、麵包以及飲品。先來白湯，幾杰身，有菌香，足料，可以收貨。這裡的重點當然是麵包，鬆軟帶甜味，即使不加牛油，就咁食，已十分好吃。咖喱吉列豬扒飯，咖喱味道正常，只嫌米飯不夠圓潤軟熟。至於豬扒，外層稍硬，肉質算不上鬆化，普通貨色。份量都幾大，飲埋湯食埋包，再加碗飯，飽到唔識郁。所以，我要杯檸檬茶去消消滯。