喜膳燒

营业中

休息中

3月係我好朋友既生日，我地都鐘意食下串燒飲下啤酒咁，所以就book 左呢間試下。小店環境比較小，不過就勝在顏色繽紛，同埋有2部電視睇下，好好彩地我地坐左門口既大枱，有位放袋。我地嗌左燒沙嗲麵筋、肉眼串、厚燒牛舌、雞軟骨、雞皮、蒜蓉燒茄子、燒雞全翼、燒娃娃菜仲有花甲，仲有2杯蜜桃asahi.暫時食完覺得沙嗲麵筋燒得香脆，厚燒牛舌味道濃郁，而且牛舌好林，一咬就鬆化，雞皮都燒得香脆入味，花甲大大隻好食，呢幾樣都係比較出色既。而肉眼串稍為遜色，沒有調味，肉質一般。其他都正常。不過就係想搵個地方邊食邊吹水je, 一開頭杯啤酒無咩蜜桃味，飲到最尾好甜，唉呀，原來未攪勻。服務態度幾好，食物都好快上菜，最緊要有好朋友相伴。