影片
更多
2018-04-10
112 浏览
今日妹妹生日，特登訂左餐廳同佢慶祝，餐廳地點好方便，一入到去，成個場好有日本feel，地方又寬躺，之後帶我哋去入座，我哋揀咗伊勢海佬鐵板燒餐，妹妹生日當然要食好啲啦～前菜就有沙律同汁煮和牛，和牛入口即溶，加埋佢啲醬汁一齊食，有啲唔夠喉～第二道餸係汁煮東星斑，我見師傅將魚肉外邊煎左先，之後將塊魚皮整出嚟煎到佢脆，再將魚肉放入去汁嗰度煮，食落口非常之美味，魚肉都好彈牙爽口~第三道係海膽汁煮龍蝦，睇得出龍蝦好新鮮，師傅亦都功力深厚，整到啲龍蝦肉口感啱啱好，首先食一舊食吓原先嘅味道先,其實我覺得咁樣食都已經好正，之後再點檸檬汁，點埋海膽汁食，每一舊水準都好平均👍🏼第四道係熊本縣產A5和王牛，和王牛係得獎嘅名，其實都係和牛，呢個和牛真係好出色，當然亦都關乎師傅嘅功力啦，我就叫咗五成熟，和牛入口即溶，唔使點咬，牛味亦都好香👍🏼最後就係和牛炒飯同埋清酒煮蜆，人哋話一個靚嘅炒飯，係每粒米都會分開炒到一粒粒，呢度就可以食到喇，清酒煮嘅汁非常之正，汁同蜆之間食落去口味平衡～當然唔少得甜品啦，今期係芝士番薯布丁，芝士喺布丁上面，芝士又唔會搶到番薯口味，呢個組合幾特別，原來 前菜同甜品間唔中都會換下款架～食完
今日妹妹生日，特登訂左餐廳同佢慶祝，餐廳地點好方便，一入到去，成個場好有日本feel，地方又寬躺，之後帶我哋去入座，我哋揀咗伊勢海佬鐵板燒餐，妹妹生日當然要食好啲啦～
前菜就有沙律同汁煮和牛，和牛入口即溶，加埋佢啲醬汁一齊食，有啲唔夠喉～
第二道餸係汁煮東星斑，我見師傅將魚肉外邊煎左先，之後將塊魚皮整出嚟煎到佢脆，再將魚肉放入去汁嗰度煮，食落口非常之美味，魚肉都好彈牙爽口~
第三道係海膽汁煮龍蝦，睇得出龍蝦好新鮮，師傅亦都功力深厚，整到啲龍蝦肉口感啱啱好，首先食一舊食吓原先嘅味道先,其實我覺得咁樣食都已經好正，之後再點檸檬汁，點埋海膽汁食，每一舊水準都好平均👍🏼
第四道係熊本縣產A5和王牛，和王牛係得獎嘅名，其實都係和牛，呢個和牛真係好出色，當然亦都關乎師傅嘅功力啦，我就叫咗五成熟，和牛入口即溶，唔使點咬，牛味亦都好香👍🏼
最後就係和牛炒飯同埋清酒煮蜆，人哋話一個靚嘅炒飯，係每粒米都會分開炒到一粒粒，呢度就可以食到喇，清酒煮嘅汁非常之正，汁同蜆之間食落去口味平衡～
當然唔少得甜品啦，今期係芝士番薯布丁，芝士喺布丁上面，芝士又唔會搶到番薯口味，呢個組合幾特別，原來 前菜同甜品間唔中都會換下款架～
食完今餐，妹妹表示很滿意
张贴
