影片
更多
2019-03-01
2004 浏览
一行人，其實得4個，趁星期六大家都唔使返工，天氣又涼涼哋，一於沿「離島自然歷史徑 – 昂平及大澳段」由東涌沿海行到入大澳，行吓、抖吓，抖吓又睇吓，結果都要用上5個鐘先入到大澳。嚟到大澳，除買番啲蝦膏、蝦醬做手信，仲試吓啲小食。咯過其中一家「大澳小食」，睇見有一款蛋餅叫「香妃卷」，即做即食，有興致地一試。「香妃卷」其實喺乜呢？晌鐵板淋上蛋漿做成薄餅皮後，就加入好多材料，如蔥花、菜脯、芫荽、芝麻，以及一大片脆片，再淋上醬汁，跟住手勢純熟捲起之後，就幫我哋分成4份入埋袋添。可能大澳多外國遊客，店主特意將「香妃卷」套咗個英文名俾佢叫「Chinese Pizza」，當然，大家都明實際唔喺薄餅嗰會事啦，反而似似哋法式班戟，用「Crepe」唔知會唔會貼切啲呢？故睇見個包裝袋都幾搞笑。老實講，其實味道都算唔錯嘅，鹹鹹香香咁，口感又有啲層次，個餅皮亦幾脆口，不過，就唔會有種好驚喜或好特別嘅感覺，只可以講叫試過就算！依家行「離島自然歷史徑 – 昂平及大澳段」唔止得山景、海景，仲有港珠澳大橋景，都算以另一個角度睇呢項大工程。以下跟大家分享少少沿途相片，雖然話就話行咗成大4、5個鐘，但絕大部份都喺平路，唔太難
「香妃卷」其實喺乜呢？晌鐵板淋上蛋漿做成薄餅皮後，就加入好多材料，如蔥花、菜脯、芫荽、芝麻，以及一大片脆片，再淋上醬汁，跟住手勢純熟捲起之後，就幫我哋分成4份入埋袋添。
可能大澳多外國遊客，店主特意將「香妃卷」套咗個英文名俾佢叫「Chinese Pizza」，當然，大家都明實際唔喺薄餅嗰會事啦，反而似似哋法式班戟，用「Crepe」唔知會唔會貼切啲呢？故睇見個包裝袋都幾搞笑。
老實講，其實味道都算唔錯嘅，鹹鹹香香咁，口感又有啲層次，個餅皮亦幾脆口，不過，就唔會有種好驚喜或好特別嘅感覺，只可以講叫試過就算！
依家行「離島自然歷史徑 – 昂平及大澳段」唔止得山景、海景，仲有港珠澳大橋景，都算以另一個角度睇呢項大工程。以下跟大家分享少少沿途相片，雖然話就話行咗成大4、5個鐘，但絕大部份都喺平路，唔太難行，喺臨入到近大澳先喺多啲山路。
晌大澳行吓，食少少小食補充吓就出返東涌，因為，正正有朋友住晌東涌，上佢屋企打搞吓，聚聚舊食番餐，所以，先揀咗今日走入嚟行山！
张贴
