道

营业中

休息中

尋日入去屯門做嘢，順便試吓呢間唔少人都話好食嘅拉麵店。中午12點左右去到，已經排咗唔少人，以為星期一會比較少人。都等咗大約一個鐘，先輪到我入去食。嗌咗個醬油雞清湯拉麵，碗麵一嚟到，見到個湯已經好多油係面，都知瀨嘢，食完肯定屙。試個湯，勉強叫做熱，但味道冇醬油味。再試麵，冇乜特別。隻蛋，又係勉強可以叫做溏心蛋，因為中間蛋黃部份有d位熟曬。最後，個雞叉燒，總算有少少雞味。整體嚟講，試過就夠，唔值得幫襯多次。