永合隆飯店

营业中

休息中

今日經過太子，突然想食燒味，咁啱見到前面有一間，所以就去咗呢度食，見佢有啲舊式燒臘舖咁，以為味道可能會好食過隔離廣東燒味餐廳啦，點知好失望，而且燒肉飯仲要成$60冇得揀腩仔😞即刻諗起元朗同自己公司樓下嗰間，尤其元朗，食過嘅腩仔飯好正，都唔使$40。食評話好食嗰啲，我估應該係叫咗腩骨例牌，但係如果只係想食燒肉飯，千祈唔好去呢度食，一來貴，二來啲燒肉好似煲湯豬肉咁又啖又乾，塊皮仲要唔係硬就係淋嘅，好似同佢哋賣啲冇人吼嘅部位嚟食咁。唔知道係咪呢類舊式燒臘店都係咁，腩仔留返嚟做例牌同外賣，因為我都試過喺其他燒臘店買燒肉飯，佢哋都係又貴又冇燒腩俾你揀，真係難食過酒樓外賣$30盒嗰啲，酒樓外賣燒肉飯起碼都有脆皮同腩仔吖。已black list。