影片
更多
2018-07-27
537 浏览
唔止一位服務員，態度都非常有問題，無諗到係呢種所謂高級既餐廳，都可以有咁既服務態度，食品質素本來唔錯，性價比一定唔叫高，係金鐘其實預左呢個價錢既。因為有兩位小朋友，所以朋友特別揀比較舒適既食肆，就揀左呢間。食物方面：質素唔差，價錢都預左比較其他會貴的，但係可接受，有食斧頭扒﹑海鮮盤﹑龍蝦汁意粉等，斧頭扒係最貴一樣，最後每人食左4百幾，無計小朋友。態度方面：無諗到好似好高級既餐廳，都可以有咁既態度，我唔想估咩原因，但係真無理由接受，自問每次對服務員態度好好，好有禮貌，只係有問到有優惠，會送1支紅酒，除左呢樣，我睇唔到我地同其他客人既分別。1. 請侍應幫手影相，同佢講個刻，個位女侍應竟然「妙」咀，無錯，真係「妙」咀，係咁暗既環境，我地都睇到好清楚；2. 有位外籍侍應，每幾分鐘就過黎問食完未，可以收野未，語氣係好差﹔3. 淨番 1/3碟牛油，唔夠我搽一塊包，叫外籍侍應拎1碟，佢又好差咁話：你仲有！唔知以為佢係我阿媽，最後，我搽完咪又係要等佢拎新既一碟俾我，我就係唔想拎住個包等佢，所以先叫佢俾左碟新既我，一次過搽。對我黎講，我唔會再幫襯呢間餐廳，呢個價錢，仲有好多更好既選擇，無論質素及服
食品質素本來唔錯，性價比一定唔叫高，係金鐘其實預左呢個價錢既。
因為有兩位小朋友，所以朋友特別揀比較舒適既食肆，就揀左呢間。
食物方面：
質素唔差，價錢都預左比較其他會貴的，但係可接受，有食斧頭扒﹑海鮮盤﹑龍蝦汁意粉等，
斧頭扒係最貴一樣，最後每人食左4百幾，無計小朋友。
態度方面：
無諗到好似好高級既餐廳，都可以有咁既態度，我唔想估咩原因，但係真無理由接受，自問每次對服務員態度好好，好有禮貌，只係有問到有優惠，會送1支紅酒，除左呢樣，我睇唔到我地同其他客人既分別。
1. 請侍應幫手影相，同佢講個刻，個位女侍應竟然「妙」咀，無錯，真係「妙」咀，係咁暗既環境，我地都睇到好清楚；
2. 有位外籍侍應，每幾分鐘就過黎問食完未，可以收野未，語氣係好差﹔
3. 淨番 1/3碟牛油，唔夠我搽一塊包，叫外籍侍應拎1碟，佢又好差咁話：你仲有！唔知以為佢係我阿媽，最後，我搽完咪又係要等佢拎新既一碟俾我，我就係唔想拎住個包等佢，所以先叫佢俾左碟新既我，一次過搽。
對我黎講，我唔會再幫襯呢間餐廳，呢個價錢，仲有好多更好既選擇，無論質素及服務。
张贴