影片
更多
2006-09-16
19 浏览
尋晚朋友話要去九龍城食潮州菜, 準備了3間給選擇, 最終因為這間老字號就扑鎚(其實係因為一間找不到, 一間好小人...).3女1男一坐低, 東張西望, 呢樣又想食,個樣又想試, 終於都係等靚姐介紹. 先來炒蟶子,鵝肉拼墨魚, 五寶菜(什菜煲), 胡椒豬肚湯, 椒鹽豆腐, 九肚魚, 蘿蔔丸....仲想叫多幾樣試試, 不過己經成枱食物就唯有等下次. 個湯飲到我"殊殊聲"因為好勁胡椒味但係好正, 鍾意食粉腸會更鍾意.其它都ok, 最正係靚姐突然醒d"棵肉"俾我地試試, 係馬蹄加豬肉煎成, 有d爽幾好味, 最後大家都嗌晒飽但又想食甜品時, 靚姐又醒一失反沙竽俾我地試, 幫我地分埋四件, 係呢個時候就明白到小吃多滋味...不過都係再來多2碗緑豆爽. 成餐飲了3次功夫茶,比我地平時去開的潮州菜館體貼好多!!埋單都係一人$110有找...有時除了食物味道以外, 人情味都可以搭夠, 下次再組大班人去試多d.
张贴