FRITES Belgium on Tap (西九匯)

营业中

休息中

裝潢明顯花過心思，參照傳統比利時啤酒屋設計，靚、樓底高。服務員態度非常好，大部分以英語點菜。話哂新一年緊係食好啲，所以叫左隻小乳豬（注意要3日前訂），當日我哋一共8人，其實食完已經好飽，我個人覺得係我食過最好味的乳豬，啲肉好滑好嫩，跟中式燒乳醋既味完全唔同。值得一試！真心貴，$1530一隻，每人除開都要$200。另一樣推介就係青口，我哋叫左3.5g，好鮮甜，size剛剛好！有2款味道忌廉同蕃茄，兩隻其實都唔錯，我個人都係喜歡忌廉味多啲。比利時菜有樣好基本上每道菜都會跟咗薯條或者番薯條，所以記得唔使叫啦。最後食返個甜品比利時朱古力雪糕，好正！我係唔食甜嘢都讚！緊記緊記一定要訂枱，當晚都係滿座。我係book咗6:00。