Mint & Basil (海堤灣畔)

营业中

休息中

幾年前嚟過呢間餐廳，一直都好想再嚟，但係東涌好遠，今日咁啱上嚟outlet，又可以再嚟食啦。次次嚟都坐室外，但係今日真係好熱，朋友好怕熱，所以今日揀咗室內，不過佢嘅室內環境都好靚，好適合影相。呢間餐廳特別之處，佢有越南，泰國，印度嘅菜式，鍾意食咩嘅人都可以食，怕辣嘅人多數都會揀越南菜。首先我哋叫咗個特色越南小炒，本身完全唔知係啲咩嚟，但係侍應介紹話呢個比較開胃，或者一於試吓啦。佢同中式嘅小炒王有啲類似就係將啲配料炒埋一碟，但係又真係幾開胃好食，我自己就最鍾意食佢嘅配料。因為朋友怕辣，所以我哋就叫咗個牛油雞印度炒飯。呢個炒飯一啲都唔辣，但係香料味好夠，而且雞肉都好多，食落好嫩滑，呢種味道出面食唔到㗎。最後，我哋叫咗個泰式飛天通菜，呢道菜就比較辣，不過朋友都食到，而且通菜食落好新鮮，配埋辣椒同香料非常襯，本身打算叫個白飯，但係已經好飽啦。